Goulennaoueg Divskouarn

Demat d'an holl,
Poent pe boent ho peus labouret gant Divskouarn pe ho 'peus bet eskemmoù ganeomp. Keveler pe degemerer labour Divskouarn eo ho aozadur.
Pell zo e labouromp war dachenn ar stummañ (2009 da nebeutañ), ha donoc'h omp aet ganti abaoe 2012 gant tutañ Virginie Pronost, diorroerez tiriadel ha pedagogel. Kinnig a reomp devezhioù tematek (rimadelloù ha frazennoù, ober gant an dafar pedagogel, krouiñ e zafar pedagogel, ober gant malizenn Skouarnig) a-hed ar bloavezh ha kemer a reomp perzh e stummadurioù hir kinniget gant aozadurioù stummañ war ar brezhoneg.

Goude 6 bloavezh labour war dachenn ar stummañ, en em gav Divskouarn diaes dre vras pa n'omp ket deuet a-benn da zegas trawalc'h a emarc'hantaouiñ diwar an ober-se. Se zo kaoz hon eus goulennet sikour an DLA (stignad lec'hel ambroug) deomp ni da gaout ur studiadenn da henchañ ac'hanomp.
A-raok divizout mont gant an hent-mañ-hent, e c'houlennomp diganeoc'h reiñ ho soñj war dachenn ar stummañ brezhoneg ha bugaligoù en ur respont d'ur c'houlennaoueg hon eus savet asambles gant arbennigourien an DLA.
Trugarekaat a reomp ac'hanoc'h en a-raok evit ar pennad amzer a lakoc'h war an dra-se, rikouret mat e vimp evit diorren Divskouarn.

Trugarez da respont deomp d'an diwezhatañ d'ar sul 17 a viz Even.